ದೂರದ ನಲ್ಲೆ

ನಾನು ಇಂದು ನಿನ್ನಿಂದ ದೂರದಲ್ಲಿರುವೆ
ಇದು ಪ್ರಕೃತಿಯ ಅಸಹಜತೆಯೋ ಎಂಬಂತಿದೆ
ಸಪ್ತ ಸಾಗರದಾಚೆ ಸುಪ್ತ ಸಾಗರ ಇದೆ ಎಂದು
ಹುಡುಕಿ ಬಂದವ ನಾನಲ್ಲ

ಹೇಗೆ ಮರೆಯಲಿ ನಿನ್ನಯ ಆ ಬಿಗಿ ಅಪ್ಪುಗೆ
ಹೇಗೆ ಮರೆಯಲಿ ನಮ್ಮ ಆ ಸಲ್ಲಾಪದ ಮಾತು
ನಿನ್ನಯ ಚಹರೆ ಇಂದೂ ಇದೆ ಕಣ್ಣ ಮುಂದೆ
ಹಿಂದೆಂದೂ ನಿನ್ನಿಂದ ಇಷ್ಟು ದೂರ ಇರಲಿಲ್ಲ

ಇವು ಕೇವಲ ಪದಗಳ ಸಾಲಲ್ಲ
ನನ್ನೆಯ ತುಡಿತದ ಭಾವನಾ ಲಹರಿ
ಇನ್ನು ಆಗದು ಈ ವಿರಹದ ಬೇಗೆ
ಬಂದು ಬಿಡುವೆ ನಿನ್ನಲ್ಲಿಗೆ ನಾ ಇಂದು